Որքան շատ ձգձգեն դատավարությունը, այնքան շատ կներկայացնեմ ինչ է կատրվում իրականում:

Հունիսի  13-ին  «Նոյյան Տապան» լրատվական վերլուծական կենտրոնում պրոֆ. Սուրեն Զոլյան մամլո ասուլիս է տվել,  որտեղ  ծանոթացրել է դեպքերի զարգացմանը:

Քննարկվող թեման է ԵՊԼՀ-ի շուրջ ստեղծված  նոր զարգացումները. ԵՊԼՀ-ի նոր ռեկտորի ընտրություն և դատական նիստ ընդդեմ ՀՀ ԿԳՆ

Արհամարելով  էթիկայի և օրենսդրության տարրական պահանջները, դրսևորելով զուտ կամայական մոտեցում,  ՀՀ ԿԳ նախարարը սեղմ ժամկետում` տարբեր ժամանակներում իբր թե կատարված կարգապահական զանցանքների հիմքով արձակել է երկու հրաման ԵՊԼՀ ռեկտորին կարգապահական տույժի ենթարկելու  վերաբերյալ, իսկ երրորդ հրամանով դադարեցրել է Ս.Զոլյանի հետ կնքված պայմանագիրը` ազատելով նրան ռեկտորի պարտականություններից, որից հետո, առանց համապատասխան լիազորության երկու անգամ խախտելով գործող օրենսդրությունը, նշանակել է ռեկտորի պաշտոնակատարներ։

Մինչև օրս  շարունակվում են  անօրինական  գործողությունների շարքը: Դրա վառ ապացույցը   հունիսի 12 ի`  կայացած ԵՊԼՀ  ռեկտորի ընտրություններն էր, որը Ս.Զոլյանը   հիմնավորեց նրանով, որ  առնվազն 10 հոգի իրավունք չուներ մասնակցելու ընտրություններին. 6 հոգին  նախարարության կողմից ուղարկված չինովնիկներն են,    4-ը` ԵՊԼՀ շրջանավարտներ:

Սուրեն Զոլյանը որոշեց  չանդրադառնալ նախարարի <<գրագիտության>> մակարդակին,  սակայն   նշեց, որ  այդ մակարդակը գնալով ավելի ու ավելի  է զարմացնում իրեն:

Ասուլիսում հնչած, Աշխատանքային գրքույկում ինչ ձևակերպում  է արված հարցին, ԵՊԼՀ նախկին ռեկտորը պատասխանեց.  << Գրված է, որ նշանակվել եմ որպես ռեկտոր  կառավարության որոշմամբ, և դրանից հետո գրված է, որ ազատվել եմ նախարարի հրամանով:  Ինչպես տեսնում եք անհեթեթությունների շարքը գնալով մեծանում է:>>

ԵՊԼՀ նորընտիր ռեկտոր Գայանե Գասպարյանը ռեկտորի ընտրությունների արդյունքների ամփոփումից հետո երեկ ռեկտորի աշխատասենյակում հրապարակավ խունկ է վառել: Այսօր նման հայտարարություն արեց Զոլյանն ու հավելեց. “Խունկ են վառել, որպեսզի չար ոգիները անհետանան, եթե սնահավատ էր, թող  գար, գիշերը թաքուն վառեր, բայց հրապարակավ…Ես էլ ասելու բան չունեմ”:

Նրա խոսքով, բուհի ուսխորհուրդն էլ սատանիզմը եւ մասոններին դատապարտող քննարկումներ է կազմակերպել: “Եթե սա է համալսարանի գործունեությունը, ուրեմն այն, ինչ ստեղծվել է տարիների ընթացքում, կարելի է մի քանի օրվա ընթացքում ոչնչացնել ”,-ավելացրեց պրոֆեսոր Զոլյանը:

Վերոնշյալ հարցերը չափազանց մտահոգիչ են  և պահանջում են  ոլորտային քաղաքականության պատասխանատուների, հասարակական գործիչների ու քաղաքական ուժերի պատշաճ ուշադրությունն ու դրանից բխող հետևողական քայլերը: 

ԵՊԼՀ ռեկտոր Սուրեն Զոլյանի նկատմամբ կիրառված ապօրինի հրամանի արդյունքում ստեղծված համալսարանական ոչ բարենպաստ մթնոլորտը, ինչպես նաև  ուսանողների, բազմաթիվ դասխոսների, մտավորականների և միջազգային տարբեր կառույցների բարձրացրած բողոքի ալիքը հիմք ծառայեցին ստեղծելու ՀՀ բարձրագույն կրթության առողջացմանը նպաստող www.unifree.am վեբկայքը, որը կարձագանքի բարձրագույն կրթության ոլորտում պետության և քաղաքացու իրավունքների ոտնահարման բոլոր դրսևորումներին:

Unifree.am-ի միջոցով կստեղծվի մշտական կապ բարձրագույն կրթության տարբեր ոլորտների շահառուների` ուսանողների, դասախոսների, պետական մարմինների և գործատուների միջև:

Ս.թ. հունիսի 14-ին ժամը 10:00-ին, Կենտրոն և Նորք Մարաշ վարչական շրջանների ընդհանուր իրավասության դատարանում տեղի կունենա ԵՊԼՀ ռեկտոր Ս. Զոլյանի հայցով դատական նիստն ընդդեմ ՀՀ ԿԳ նախարարության:  

Հարցին, թե ի՞նչ ակնկալիք ունի վաղվա նիստից, նախկին ռեկտորը պատասխանեց. «Մի հանցանք կատարելով մնացածները ինքնստինքյան գալիս են, իմ կարծիքով հակաօրինական գործողությունների շարունակություն է լինելու, և ռեկտորի ընտրությունն էլ անօրինական մի շղթա է: Դատական իշխանությունը չպետք է ուղղորդված գործի, քանի որ այն անկախ իշխանություն է: Մինչ նիստի ընթացքը ավելի կարևոր էր, քան արդյունքը, որովհետև Հայաստանը տեսավ, թե ինչ է իրականում կատարվում»:

Ասուլիսի ընթացքում Սուրեն Զոլյանը հասցրեց Արմեն Աշոտյանի հրահանգով աշխատելու մեղադրանք հնչեցնել ոչ միայն բուհի դասախոսների, այլև լրատվամիջոցների հասցեին ու հայտարարեց, թե որոշ լրատվամիջոցներ աշխատում են Աշոտյանի հրահանգով:

 Կարինե Գևորգյան