Համալսարանները պորճերի երեխաների համար զվարճանքի օբյեկտներ մի´ դարձրեք

Հայաստանի կրթության և գիտության նախարարությունը և կառավարությունը 2 տարի առաջ որոշում ընդունեցին, որ Բուհերի պետ-պատվեր տեղերը կկրճատվեն 50%-ով: Արդյունքում պետական բարձրագույն ուսումնական հաստատություններում, եթե նախկինում կային ամենաքիչը 10 անվճար տեղ, ապա  դարձավ` 5: Եվ ամենից հետաքրքիրը ԿԳՆ-ի բացատրությունն էր` անվճար տեղերը կրճատվում են այն պատճառով, որ 2010 թվականի շրջանավարտների և ընդունվածների քանակը, երկու անգամ քիչ էր նախորդ տարիներից: Իրականությունը սակայն այլ էր: Այո շրջանավարտների թիվը նվազել էր, բայց ոչ ԲՈՒՀ ընդունվողներինը: ԲՈՒՀ-երում ընդունելություն կատարվեց և ընդունվեցին ավելի քան նախկինում: ՀՀ կրթության մասին օրենքով, Հայաստանում բարձրագույն կրթությունը մրցութային է, և պետք է լինեն նաև անվճար տեղեր: Սակայն հենց կրթության մասին օրենքի խախտում է հենց անվճար տեղերի բացակայությունը: Օրինակ` ԵՊՀ իրավաբանության և միջազգային հարաբերությունների ֆակուլտետներում անվճար տեղերի բացակայությունը վկայում է օրենքի խախտման մասին: Եվ այսքանը քիչ չէր, հիմա էլ առանց, որևէ օրենք ընդունելու կրճատվում են մնացած քիչ անվճար տեղերը:

Այս տարվա ընդունելության համար բուհերում անվճար տեղերը խիստ նվազել են... նախկին 10 անվճար տեղերը դարձել են 5, 5-երը` 3.. և այս օրինաչափությամբ:

Մի բան ակնհայտ է, նախարարությունը հստակ քայլերով գնում է դեպի անվճար ուսման վերացմանը: Հետաքրքիր է ո՞ր մնաց սոցիալական երկիր սահմանադրական դրույթը:  

Զրկելով անվճար կրթությունից, սպանում եք անհատներին ու նոր դեմքերին: Միգուցե հենց սոցիալապես անապահով այն զանգվածի ներսում են թաքնված ապագայի գիտնականներն ու հանճարները, որոնց զրկելով կրթությունից, պատճառ եք դառնում հայ ժողովրդի կործանմանը: Համալսարանները դարձնելով հարուստների ու պորճերի երեխաների համար զվարճանքի օբյեկտներ, շատ բան կկորցնենք, սթափվե´ք: