Որոշ լրատվամիջոցներ ոչ ճշգրիտ տեղեկատվություն են տարածել մայիսի 18-ին Սուրեն Զոլյանի` աշխատանքից ազատվելու դիմումի վերաբերյալ: Իրականում Սուրեն Զոլյանը ապրիլի 17-ին ՀՀ ԿԳ նախարարի հրամանով ազատվել է ռեկտորի պաշտոնից` միաժամանակ մնալով ԵՊԼՀ լեզվաբանության և հաղորդակցման տեսության ամբիոնում համատեղության կարգով պրոֆեսոր, մինչդեռ նույն հրամանի համաձայն պետք է տեղափոխվեր պայմանագրային հիմունքներով աշխատանքի: ԵՊԼՀ ղեավարությունը և աշխատակազմը ոչ միայն ընթացք չեն տվել այդ գործընթացին, այլ ավելին, փորձել են իրենց պարտականությունների չկատարումը բարդել հենց այդ հարցը բարձրացնող պարկեշտ և բանիմաց աշխատակիցների վրա` մինչ օրս այդ հարցին չտալով և ոչ մի լուծում: Ելնելով օրինական ձևով չվավերացված պրոֆեսորի կարգավիճակից` Սուրեն Զոլյանը հրաժարվել է նման պայմաններում կատարել պրոֆեսորի իր պարտականությունները և սույն թվականի մայիսի 18-ին համապատասխան դիմում է գրել (դիմումը կցվում է):
Ավելացնենք, որ Սուրեն Զոլյանը չի ուզում հրաժարվել իր դասախոսություններից, բայց որպես իր վերադարձի նախապայման պահանջում է օրենքով սահմանված կարգով պատժել ԵՊԼՀ-ում իրենց պարտականություններում թերացող և ապօրինի գործունեություն ծավալող անձանց:
Ինչ վերաբերում է ՀՀ ԿԳ նախարարի` Սուրեն Զոլյանին ռեկտորի պաշտոնից ազատելու հրամանին, վերջինս, համարելով այդ հրամանը անօրինական, համապատասխան հայցադիմումներով դիմել է դատարան: Նշենք, որ ս.թ. հունիսի 14-ին վերաքննիչ վարչական դատարանում նշանակվել է առաջին դատական նիստը: Իսկ Սուրեն Զոլյանի այս քայլը հանուն խախտված իրավունքների պայքարի շարունակությունն է:
Комментариев нет:
Отправить комментарий